AdBrain

Foydalanish shartlari

Oxirgi yangilanish: 2026-11-06 · Aloqa: abbos2004off@gmail.com

Ushbu shartlar AdBrain xizmatidan foydalanish tartibini belgilaydi. Xizmat operatori — «WEBTECH» MAS'ULIYATI CHEKLANGAN JAMIYAT (STIR 304 423 546). Ro'yxatdan o'tib yoki xizmatdan foydalanib, siz shu shartlarga rozilik bildirasiz.

1. Xizmat nima qiladi

AdBrain Instagram biznes akkauntingizga ulanadi va Direct xabarlari hamda izohlarga sun'iy intellekt yordamida javob yozadi, post va karusellar tayyorlab joylashga yordam beradi, statistikani yig'adi. Facebook reklama kabinetingizni ulasangiz — kampaniya natijalarini ko'rsatadi, sizning buyrug'ingiz bilan reklama yaratadi va postni reklama qiladi (boost), siz yaratgan qoidalar bo'yicha reklama to'plamlarini pauza qiladi yoki budjetini o'zgartiradi va Lead Ads leadlarini yig'adi. AdBrain reklamani faqat siz tasdiqlaganingizdan keyin ishga tushiradi va reklamalarni o'chirmaydi.

2. Hisob va mas'uliyat

3. AI javoblari va kontent haqida

Xizmat javob va kontentni avtomatik yaratadi. Javob yuborilishidan oldin tekshiruvdan o'tadi: bilimlar bazasida yo'q raqam, va'da yoki havola aniqlansa javob yuborilmaydi va suhbat operatorga topshiriladi.

Shunga qaramay avtomatik javob xato bo'lishi mumkin. Mijoz bilan tuzilgan kelishuv va berilgan va'dalar uchun mas'uliyat sizning zimmangizda qoladi. Muhim suhbatlarni (to'lov, shartnoma, shikoyat) operator nazorat qilishi tavsiya etiladi. Joylanadigan post va rasmlarni nashrdan oldin ko'rib chiqing: post faqat siz "Nashr etish"ni bosganingizda yoki jadval belgilaganingizda chiqadi.

4. Reklama yaratish va qoidalar

Reklama (yoki postni reklama qilish) siz byudjet, muddat va auditoriyani tanlab, "Ishga tushirish"ni bosganingizda yaratiladi. Reklama to'lovi Meta tomonidan sizning reklama kabinetingizga ulangan to'lov usulidan yechiladi — AdBrain bu pulni qabul qilmaydi va boshqarmaydi. Reklama Meta tekshiruvidan o'tmasligi yoki kutilgan natija bermasligi mumkin.

Yangi qoida sinov rejimida yaratiladi va faqat nima bo'lishini yozib boradi. Qoidani jonli rejimga o'tkazish — sizning qaroringiz; shundan keyin AdBrain qoida shartlari bo'yicha reklama to'plamini pauza qiladi yoki budjetini siz belgilagan chegaralar ichida o'zgartiradi. Reklama sarfi va natijalari uchun mas'uliyat sizda qoladi.

5. Tariflar va to'lov

6. Taqiqlangan foydalanish

Bu shartlar buzilsa hisob ogohlantirishsiz to'xtatilishi mumkin.

7. Uchinchi tomon xizmatlari

Xizmat Meta (Instagram API, Marketing API), AI modellari provayderlari (asosan Google Gemini API), Telegram va to'lov tizimlariga tayanadi. Ularning ishlashidagi uzilishlar yoki siyosat o'zgarishlari AdBrain funksiyalariga ta'sir qilishi mumkin.

8. Kafolatlar

Xizmat "borligicha" taqdim etiladi. Uzluksiz ishlash yoki muayyan natijaga erishish kafolatlanmaydi.

9. To'xtatish

Hisobingizni istalgan vaqtda o'chirishingiz mumkin — tartib shu yerda.

10. Bog'lanish

Xizmat operatori: «WEBTECH» MAS'ULIYATI CHEKLANGAN JAMIYAT
STIR: 304 423 546
Manzil: Toshkent shahri, Yakkasaroy tumani, Yunus Rajabiy ko'chasi, 62-57
Email: abbos2004off@gmail.com